- نزل في امريكا والعالم الفلم المنتظر Nine من اخراج Rob Marshall مخرج الفلم Chicago ونزل مع الفلم البوم الفلم الي يحتوي على اغاني الفلم. وعجبتني جم اغنية منهم اغنية Nicole kidman واغنيية Fergie  وMarion Cotillard والصراحه صدمتني الممثلة Kate Hudson بصوتها وايد حلو. المهم اخليكم مع الالبوم عشان يعطيكم شوية تشويق الى ان ينزل الفلم DVD لاني ما اعتقد راح ينزلونه بالسينما.

- اضغط هنا لتنزيل الالبوم كاملا.

- صار لي فترة وانا حاط في بالي اني اشوف هالمسلسل من كثر الجوائز الي اخذها والقصة و المنتجيين الغنيين عن التعريف : Tom Hanks و Steven Spielberg و HBO وكل ما ايي اشترية اقول( لا بعدين) بس وانا بلندن شفت المسلسل عليه خصم 50% وكان سعره 50 باوند قبل الخصم ونوعه BluRay فشريتة واول شي سويته لما رجعت اني حطيته وتابعته والنتيجه……. اني خلصت كل الحلقات وحزين  لاني ما ابيه يخلص والمسلسل وووايد حلو من ناحية :

- القصة : ماخوذة من كتاب من قصة حقيقية عن اول دفعه لجنود الباراشوت من امريكا في الحرب العالمية الثانية وكان وقتها العالم ما يعرف شنو يعني جنود باراشوت ويتبع المسلسل قصة الجنود من تدريباتهم الى خوضهم للحرب الى نهاية الحرب وشنو صار معاهم بعد انتهاء الحرب.

- التصوير : رائع بحيث ما تحس انك تتابع ولكنك تخوض هالحرب.

- الموسيقى : بالنسبة لي في هالمسلسل اهم شي هي الموسيقى. لعبت دور كبير في شحن المشاعر والاحاسيس.

- تريلر المسلسل :

* ملاحظات :

-المسلسل كلف 150 مليون لانتاجة فقط لا غير…

-المسلسل عبارة عن عشر حلقات ولا تسالوني عن طول الحلقة لاني ما كنت احس بالوقت….

- قبل بداية كل حلقة يتكلم الجنود الحقيقيين عن الحرب والصعوبات والمعاناة….

- ال Box set  يحتوي على 6 اشرطة (بلوراي) 5 منها الحلقات و 1 عبارة عن Special features.

- في خطوة جريئة من Caribou Coffee تم تعديل خلطة ال Hot Chocolate المتعارف عليها من (بوردة ككاو+حليب) الى (قطع ككاو+حليب). الخطوة ممكن مكلفة ماديا بس النتيجة احلى وايد من النوع القديم و السبب هو ان في النوع القديم دايما تشرب بوردة ككاو خصوصا في قاع الكوب ولكن مع النوع الجديد (لا بودرة ابدا) وتتمتع بالشراب الى اخر … قطرة.. ومع البرد يحلى اكثر واكثر  ( وتقدر تختار بين ككاو ابيض او ككاو بالحليب او ككاو اسود)

- بعد انقطاع 9 سنوات ترجع المغنية المميزة sade بالبوم جديد راح يطرح في فبراير من السنة القادمة. الالبوم بعنوان soldier of love.

- اضغط هنا  لسماع او تنزيل الاغنية الجديدة بعنوان soldier of love.

- بعض  اغاني  sade  المفضلة عندي :

By your side

lovers rock

king of sorrow

- في اليومين الي طافوا تمشينا وتسوقنا. الجو جبد نوع ما شويه مطر خفيف وهواء بارد والتسوق رائع. وحضرت مسرحيتيين هم :

1- sister act : المؤخوذ من فلم بنفس الاسم كانت المسرحية جيدة كوميدية خفيفة.

2- Billy Elliote : مؤخوذ من فلم بنفس الاسم وكانت حلوة احلى من sister act.

- اليوم الثالث كان وووايد حلو لاني حضرت حفلة لاحسن المغنيين البريطانيين وهو:Will Young. الحفلة كانت ممتازة وتقريبا كل اغاني (ويل )حلوة وطار الوقت بسرعة.

- مكان الحفلة

- التذكرة :

- وقبل لا يبدا ويل غنت قبلة فرقة جديدة  وايد عجبتني اسمها Phantom Limb

- شريت البومهم وخذيت توقيعهم بعد ما خلصوا

- بعدها بدا ويل بالغناء

- وخلصت الحفلة ورجعت الفندق و كانت الشوراع فاضضضية

- امس كان اليوم الثاني لي  في لندن  وكان شوي برد وشوية مطر….. بديت اليوم بزيارة حق هاروودز تمشيت وشريت شويى اغراض وحجزت من مكتب الحجز عندهم حق مسرحية billy elliot بس التذكرة مونفس اليوم.

- بعدها رحت natural history museum …  كان وايد زحمة عند المدخل بس الدور كان يمشي بسرعه.

- وبالليل رحت شارع بيكادلي وحضرت فلم christmas carol 3d (الفلم بايخ).

- بدت السفرة بتعب شوية بسبب تاخير ساعه للطيارة وتاخر الجناط شوية وفوق هذا تليفوني ما اشتغل بلندن. بس لما وصلنا كل هذا نسيته لان الجو كان حلو شوية براد بس خفيف. كل الي سويته اليوم الاول تمشيت شوية بالشوارع وبعدين اتصلت على اكثر من مكان عشان احجز تذاكر وللاسف ما لقيت تذاكر حق مسرحية Kevin Spacey بس بحاول كل يوم لين القى وحصلت حجز حق حفلة Will Young ومكان ممتاز بعد وانشاالله اليوم الثاني هم بحاول في باجي المسرحيات.

- قبل امس كانت اول مرة اروح المنطقة الحرة وسعدت وايد لما شفت فلامنغو على البحر بس فرحتي بسرعه قلبت حزن حسرة لما قربت عشان اصور و شفت الكمية الهائلة من التلوث والرائحة العفنة وما قدرت الا ان اشفق على الطيور الجميلة .

- لاحظوا الوصخ على اليال …

- نهاية الاسبوع القادم انشاءالله رايح  لندن وحطيت برنامج وهو برنامج فني بحت …. بس في مشاكل بسيطة بالنسبة لتذاكر البرنامج…..

- الوصول راح يكون يوم 20/11 وراح يكون يوم تمشي واعادة اكتشاف المنطقة + محاولة لحجز تذاكر مسرحيات وحفلات الايام التالية.

- يوم 21 و 22 راح يكون مخصصين حق حفلة Will Young واختيار اليوم راح يكون على حسب توفر التذاكر.

- يوم 23 راح يكون حضور مسرحية Blood Brother  وسبب اختيار المسرحية هو انضمام Melanie c للمسرحية.

- يوم 24 حضور مسرحية Billy Elliot والسبب هو النجاح الساحق للمسرحية في لندن و نيويورك ناهيبكم عن الاغاني من تاليف Elton John.

- المشكلة الوحيدة التي تصادفني هو عدم وجود تذاكر لمسرحية Enherit the wind من تمثيل الممثل المبدع Kevin Spacey والمسرحية full الى بداية شهر 12 … بس انشاءالله القى تذكرة بالغلط …